24 октябрь куни эрталаб соат 8 да Ўзбекистонда сайлов участкалари очилди. Уларнинг ҳар бирига кириш жойида ҳимоя костюмида тиббиёт ходимлари туриб, сайловчилар қўлларини дезинфекция қилмоқдалар, уларга ниқоб бериб, тана ҳароратини ўлчамоқдалар. Тошкент шаҳри, Миробод туманидаги 116-сайлов участкасининг раиси Марҳабо Пирязованинг «Фарғона» мухбирига билдиришича, агар сайловга келган одамнинг тана ҳарорати юқори бўлса, у ичкарига киргизилмайди.
«Уйда овоз берувчилар учун сайлов қутилари билан борамиз. Комиссиянинг иккита аъзоси кўп қаватли уйлар ҳовлиларига борадилар (ўша ерда овоз берилади). Яъни, ҳар қандай ҳолатда сайловчиларнинг конституциявий ҳуқуқларини таъминлаймиз», — деди у.
Агентлик билан суҳбатлашган комиссия аъзоси сайлов участкаси эшиги олдида соат 7 дан овоз бериш учун одамлар гавжум бўлганини айтади. У бу вазиятни аввалари сайлов эрталабки соат 6 да бошлангани, шунингдек «маҳаллий менталитет» билан изоҳлади. Овоз бериш бошланганидан кейин ҳам кичкина навбат пайдо бўлди— соат 9 да шу яқин орада ишлаётган эркаклар гуруҳи ҳозир бўлди.
Пирязова сўзларига кўра, ушбу участкага боғланмаган ҳолда ҳам овоз берса бўлади. Бу ҳақда «Фарғона» мухбирига Хасти Имом мажмуаси ҳудудида жойлашган 767-сайлов участкаси раиси ҳам сўзлаб берди.
Бундан ташқари, авваллари сайловчига бюллетень фақат паспорт асосида берилган бўлса, эндиликда бунинг учун бошқа ҳужжатларни ҳам тақдим этиш мумкин. «Янги кодекс бўйича бюллетень ID-карта, гайдовчилик гувоҳномаси, паспорт столи баённомаси (агар сайловчи ҳужжатини алмаштираётган бўлса) асосида берилади», — деди у.
Президентликка номзодларнинг барчаси эрталаб овоз берди.
Амалдаги давлат раҳбари, Ўзбекистон Либерал-демократик партияси (ЎзЛиДеп)дан номзод Шавкат Мирзиёев Тошкент шаҳри, Мирзо Улуғбек туманидаги 59-сайлов участкасида овоз берди.
Мирзиёев билан бирга сайлов участкасига унинг тўққизта оила аъзолари ташриф буюрди. Ўзбекистон Миллий ахборот агентлиги (ЎзА) Хушнутбек Худайбердиев ўзининг Telegram-каналида бу ҳақда фотосурат жойлаштирди.
«Адолат» социал-демократик партиясидан номзод Баҳром Абдуҳалимов пойтахтнинг Шайхонтохур туманидаги №405 сайлов участкасида овоз берди. Бошқа номзодлар каби унга ҳам оила аъзолари ҳамроҳлик қилди.
Ўзбекистон Халқ демократик партиясидан номзод Мақсуда Ворисова Учтепа туманидаги №216 сайлов участкасида овоз берди.
Нарзулло Обломуродов Тошкент шаҳри, Янгиҳаёт туманидаги 579-сайлов участкасида овоз берди.
«Фарғона» мухбири ташриф буюрган 116-сайлов участкасида соат 10 да «Миллий тикланиш» партиясидан президентликка номзод Алишер Қодиров овоз берди. У журналистлар билан эртага суҳбатлашишни режалаганини айтди. «Фурсатдан фойдаланиб, барча сайловчиларни фуқаровий бурчини адо этишларига чақираман. Мен ўз бурчимни бажардим», — деди у.
Қодиров сайловолди кампаниясида сиёсий салоҳиятини тўла ишга сололгани билан боғлиқ саволга «ҳа» деб жавоб берди. Россиялик «Коммерсант» мухбири номзоддан Россияга муносабатини билдиришини сўраб, у «Ўзбекистонга хавф тўғдириши мумкинми?», деган саволига Алишер Қодиров «Россия — дўстона мамлакат», дея жавоб қайтарди.
«Фарғона» мухбири ташриф буюрган иккита сайлов участкасида сиёсий партиялардан кузатувчилар бор эди. Уларда сайлов жараёнига нисбатан бирорта эътироз бўлмади.
-
14 Октябрь14.10Шунчалар ўзгача ва шунчалар ўхшашЎзбекистондаги сиёсий партиялар парламент сайловларида илгари сураётган дастурларини тақдим этди
-
11 Октябрь11.10Тўсиқларни енгиб ўтиш ва кадрларни сақлаб қолиш керакАлишер Никимбаев — футзал бўйича ўтказилган жаҳон чемпионатидаги ташкилий муаммолар, андижонлик мухлислар ва Ўзбекистонда спортни ривожлантириш ҳақида
-
08 Октябрь08.10ФотоНон шаҳриТошкентда нонлар фестивали бўлиб ўтди
-
03 Октябрь03.10Мослашув имтиҳониРоссияга бораётган мигрантлар ва уларнинг оилаларига қўйилаётган талабларнинг кучайтирилиши нималарга олиб келиши ҳақида
-
27 Сентябрь27.09«Футболчилар ўйинини ўйнайверсин, футболни эса бошқалар бошқаради» — бундай тезиснинг яшашга ҳаққи йўқАлишер Аминов — Тошкентда бўлиб ўтган FIFPro Бош ассамблеяси ва Ўзбекистонда спортни бошқариш тизимининг ҳуқуқий асослари ҳақида
-
18 Сентябрь18.09Эрмитаж ва WOSCU — ҳамкорлик натижалариЎзбекистон маданий мероси Эрмитажни қанчалар ҳайратга солгани ҳақида. Павел Лурье маърузаси