Кудратилло Маъруфхўаев. sputniknews.ru сайти фотосурати
Париждаги ёзги Паралимпия ўйинларида ўзбекистонлик спортчилар 14 та совринни қўлга киритди. Медаллар ҳисобида ушбу Марказий Осиё республикаси жамоаси 8-ўринни эгаллаб турибди.
Ўзбекистонлик паралимпиячилар терма жамоаси ҳисобига 6 та олтин, 4 та кумуш ва 4 та бронза медалини келтирди. Ядро улоқтириш баҳсларида дарҳол учта олтин медал қўлга киритилди — Элбек Султонов, Қудратилло Маъруфхўжаев ва Бобиржон Омонов бор кучини ишга солди. Шунингдек, Асила Мирзаёрова (узунликка сакраш), Асадбек Тоштемиров (таэквондо), Ёрқинбек Одилов (найза улоқтириш) юқори даражадаги мукофотларга сазовор бўлди.
Кумуш медаллар Кубаро Ҳокимова (ядро улоқтириш), Дониёр Солиев (узунликка сакраш), таэквондочилар Зиёдахон Исоқова ва Гулжона Наимовага насиб этди. Бронза Толиббой Йўлдошев (ядро улоқтириш), Нурхон Қурбонова (ядро улоқтириш), Моҳигул Ҳамдамова (диск улоқтириш) ва сузувчи Муслима Одиловага насиб этди.
Эслатиб ўтамиз, қозоғистонлик паралимпиячилар ҳисобида битта медал бор – ўқ отган Эркин Габбасов кумуш медални қўлга киритди. Қирғизистон, Тожикистон ва Туркманистон спортчилари ҳозирча бирорта совринни қўлга киритмаган.
Медаллар рейтингида Хитой етакчилик қилмоқда. Бу мамлакат спортчилари 77 та медални қўлга киритган, шундан 36 таси олтин. Иккинчи ўринда Буюк Британия (44 та медал, шундан 23 таси олтин), учинчи ўринда АҚШ (33 та медал, шундан 9 таси олтин) жойлашган.
ℹ️ Паралимпия ўйинлари Парижда 28 августдан 8 сентябргача бўлиб ўтади. Мусобақада 169 давлатдан 4,6 минг нафардан ортиқ имконияти чекланган спортчилар иштирок этмоқда. 22 спорт тури бўйича 549 та совринлар учун бахслар бўлиб ўтади.
