Андрей Кикоть. genproc.gov.ru сайти фотосурати
Россия президенти Владимир Путин ИИВ таркибида чет элликларни фуқароликка қабул қилиш ва рўйхатга олиш хизматини ташкил этиш тўғрисида буйруқ берди. Тегишли фармон 2 апрель куни имзоланган.
Янги тузилма, ўз навбатида, 2016 йили тугатилган Федерал миграция хизмати (ФМХ) негизида тузилган Ички ишлар вазирлигининг Миграция масалалари бош бошқармаси негизида шакллантирилади.
Андрей Кикоть Фуқаролик ва чет эл фуқароларини рўйхатга олиш хизмати раҳбари, Ички ишлар вазирининг биринчи ўринбосари этиб тайинланди. У 1976 йили Ленинградда туғилган. Россия Ички ишлар вазирлигининг Санкт-Петербург академиясини «Юриспруденция» мутахассислиги бўйича тамомлаган. ИИВ тизимида, кейин прокуратурада ишлаган. 2017 йилдан бери у РФ Бош прокурорининг ўринбосари лавозимида ишлаб келган.
