Ўзбекистонлик хоккейчилар. ice-hockey.uz сайти фотосурати
U-18 жаҳон чемпионати III дивизиони В гуруҳи сўнгги турида Ўзбекистон терма жамоаси Таиландлик тенгдошларини 3:2 ҳисобида мағлуб этди ва турнир ғолибига айланиб, юқори тоифага йўлланмани қўлга киритди.
Ўзбекистон ва Таиланд терма жамоалари финал, бешинчи босқичга максимал очко тўплаган ҳолда яқинлашди ва мусобақада ғолиблик учун ягона даъвогар бўлди. Таиландлар Осиё ва Океания кубогида ўзбекистонликлар билан икки марта тўқнаш келишган ва ҳар икки учрашув ҳам Марказий Осиё терма жамоасининг ғалабаси билан якунланган эди. Лекин ўтган йили таиландлар билан ўйин ўзбекистонликлар учун қийин кечди, бундан ташқари, жорий жаҳон чемпионати Таиландда бўлиб ўтди.
Ўнинчи дақиқадаёқ мезбонлар ҳисобни очишди. Биринчи бўлим тугашига ярим дақиқа қолганида Жасурбек Рустамхонов вазиятни тиклади. Иккинчи бўлим ўрталарида Илья Попов ўзбекистонликларни ҳисобда олдинга олиб чиққан бўлса, иккинчи бўлим охирига келиб Таиланд хоккейчилари етиб олишди. Рустамхонов ўйин тугашига беш дақиқа қолганида ғалаба шайбасини киритди. Таиландликлар Рустам Иргашев дарвозасига ҳақиқий ҳужум уюштиришди, бироқ ўзбекистонликлар уни бартараф этишга муваффақ бўлишди.
Шу тариқа, келаси йили Ўзбекистон терма жамоаси U-18 жаҳон чемпионати III дивизиони А гуруҳида иштирок этади.
Туркманистон терма жамоаси жаҳон чемпионатида бронза медалини қўлга киритди. Бундан ташқари, туркманистонлик Султонхамит Вахитов 17 шайба ва 7 шайбали узатма билан турнирнинг энг яхши мергани бўлди. Турнирнинг энг яхши ҳужумчиси Жасурбек Рустамхонов (14+8) деб топилди.
ℹ️ Ҳумо хоккей клуби 2018 йили ERIELL иштирокида ташкил этилган. Дастлабки мавсумдаёқ жамоа Ўзбекистон чемпионатининг гуруҳ босқичида ғолиб чиққан. 2019 йил баҳорида клуб ВХЛга қўшилади ва дублёр жамоа Қозоғистон чемпионатида «Ҳумо-2» номи билан эълон қилинди.
ℹ️ Ўзбекистонда хоккейнинг тўлақонли тикланиши 2018 йили ERIELL компанияси президенти Бахтиер Фазилов бошчилигида Федерациянинг ташкил этилиши билан бошланди. Ички чемпионат пайдо бўлди. 2019 йили «Ҳумо» ҲХК ВХЛда, «Ҳумо-2» эса Қозоғистон чемпионатида эълон қилинди. Пандемия туфайли юзага келган танаффусдан сўнг «Ҳумо» Қозоғистон чемпионатига қайтди ва у ерда плей-офф финалига чиқди ва мамлакат кубогини қўлга киритди.
Бу йиллар давомида Ўзбекистонда болалар ва ўсмирлар хоккейи ривожланиб бормоқда. Тошкент ва Самарқандда бўлимлар очилди. Болалар жамоалари халқаро турнирларда қатнашмоқда.
